بـســـم الله الـرحمـــن الرحيـم
الموضوع ده هايتكلم عن كلام الحب وازاى بنحس بيه وكل الكلام ده....يالله نبتدى
أولاً انا عايزه اقول حاجه ان كلمة بحبك ممكن تتقال كتير جداً فى الوقت ده بس مش معنى ذلك ان الكلمه بتثبت معناها لا كلمه بحبك لازم تتقال وانت حاسس بيها حاسس بجد بأنك بتحب اللى قدامك وتقولها وانت فعلاً حاسس بمعنى الكلمه مش تقولها ككلمه وخلاص
وكمان فوق كل ده انك لو فعلاً بتحب شخص يبقى لازم تعبرله عن حبك يعنى تعمله حاجات هوا بيحبها تحسسه بجد انك بتحبه تسامحه تكون معاه تسمعه تهتديه وهوا زعلان تحسسه بأنك معاه وبتحبه
والحب مش كلام الحب مشاعر واحساس ان لو فعلاً انا حبيت حد هايحس بحبى من اى كلام بالمشاعر والفعل بمعنى انك تعمل حاجات تتدل على حبك ليه..ومش لازم ان يكون اللى بتحبه تكون واحده او واحد لا ممكن يكون اب,ام,اخ,اخت صديق صديقه ....الخ
مثلاً صديقك تهاديه تجيبله هديه مش لازم تكون كبيره بس تكون بتتدل على حبك ليه...بجد الحياه كده هاتبقى احسن بكتير
وكمان اللى حواليك هايحبوك اكتر واكتر والناس هاتقرب ليك لما تلاقيك بالشكل ده انك لما تحب تحب بجد بس فى حاجه .......لو عاوز تحب حب لكن خد بالك انك ممكن تتخدع فى الحب ده وممكن تتجرح وممكن وممكن وممكن عشان كده خلى بالك اولاً يكون اساس الحب ده اساس حلال يعنى لما تعرف واحده او لما تعرفى واحد يكون بعلم الاب والام والعلاقه دى ماتستمرش وقت طويل تكون بعلم حد وتكون برضى ربنا طبعا ده اولاً.......وده كله عشان الحب يستمر ومايكونش فيه خداع ولا جراح ولا كدب ولا اى حاجه تكون بس على رضا ربنا اولاً
يعنى انا احياناً بحس ان كلمه بحبك دى اتظلمت معانا كتير......ان هيا فى اصلها كلمه جميله جدا ومعانا اجمل وبجد نفسى ترجع الكلمه لأصلها يعنى تتقال بصدق مش كأى كلمه وخلاص لأنها بتعبر عن معنى جواك معنى بيقوله القلب مش بيقوله اللسان زى اي كلام.......وياريت ماكونش طولت عليكم بس ياريت الكلام يعجبكم ويجيب نتايج ايجابيه ان شاء الله
مع خالص تحياتى: نــــــور
» ::: (( سجـــل دخولك .. بالتحيـــة الإسلاميـــــة )) :::
» كيف بدء الحب
» الحب وما يشمله
» كلمات أغنيه غمضت عينى لرامي صبري
» أحمل هديه
» كلمات اغنية فوق الروعة لهيثم شاكر
» حاولت
» احدث برنامج للموبايل لمنع الفايروسات